Vestanganga?

Er þetta vestanganga sem komst óséð inn á Steingrímsfjörð? Hún hefur farið framhjá talningarmönnunum á Skúlagötunni, sem þóttust vera búnir að mæla loðnustofninn upp á tonn.

Hvenær fer þorskinn að reka á land? Kannski eitthvað hafi komið í suðvestan hvellinum í gær. En það á eftir að ganga fjörur.

Var að tala við vin minn áðan sem stundað hefur netaveiðar í Flóanum í hálfa öld. Hann sagðist ekki muna eftir öðrum eins þorski  hér utan við hafnarkjaftinn eins og núna. Lætur aðeins liggja 2 trossur  fáeina tíma yfir daginn til að ráða við aflann. Ég spurði hann hvort hann færi ekki að skipta yfir á grásleppu. Hann hló við og sagði að það væri ekki hægt: "Allt of mikið af þorski".

Þjóðin tapar milljarði á dag vegna heimsku, enginn gerir neitt og svo er að skella á hrygningarstopp! Reyna að búa til fleiri seiði, sem verða að fiskum, sem enginn má veiða. - Stjórnendur Íslands eru brjálaðir. 

Loðnu rekur á land

Athugasemdir

[Gunnar Th. Gunnarsson, 11.4.2011 kl. 17:18]

Já, það er eitthvað undarlegt á seiði í kollinum á Hafró-mönnum

[Árni Gunnarsson, 11.4.2011 kl. 17:30]

Nú verða Fiskistofumenn að hafa hratt á hæli til að ná í glæpamennina sem hirða þorskinn sem skolar á land. Það er nefnilega orðin sú breyting við aukna menntun í líffræði hafsins að það er stórslys þegar aflabrögð fara yfir leyfilega útkomu úr exel.

Þetta er nú meiri brjálsemin.

[Ólafur Örn Jónsson, 11.4.2011 kl. 17:31]

Það er einhver sem ræður hér annar en Hafró eða Ríkisstjórnin. Svona heimska getur ekki verið til. Einhver bannar að aflaheimildir séu auknar. Í einhverjum tilgangi??

[Jón Kristjánsson, 11.4.2011 kl. 17:41]

Hefur æðurinn eitthvert leyfi til að éta loðnu? Hafa þeir einhvern kvóta? Ég hélt að æðarfugl ætti að éta krækling. Þetta hlýtur að hafa verið missýn.

[Torfi Kristján Stefánsson, 11.4.2011 kl. 17:42]

Er ekki allt í lagi að leyfa kvikindinu að lifa og láta það stækka - og hrygna?

[Jón Kristjánsson, 11.4.2011 kl. 17:56]

Torfi

Megnið af "kvikindnu" deyr eftir hrygningu, 70-80% og sést aldrei aftur. Hrygningin skilar aðeins seiðum sem nýtist sem fóður fyrir stærri fiska svo lengi sem allt of lítið er veitt. Menn verða að vita aðeins smá um það sem verið er að tala um. 

[Fannar frá Rifi, 11.4.2011 kl. 19:40]

það má ekki mæla stofnin of stóran því að hafró vill að því er virðist banna fiskveiðar og friða allt saman. ætli þeir muni ekki fara næst í það að friða laxinn eða jafnvel eldis eldisfisk líka? maður veit ekki hvað þeim dettur í hug þarna. bara með einni aðgerð niðri á þingi væri hægt auka veiðar um 50.000 tonn af þorski. það er að nema úr gildi lög frá 2007 um að hámarks aflamark í þorski meigi ekki vera meira en 20% af stofnstærð og færa aflamark aftur í 25% sem voru. þetta er miðað við þær tölur um stofnstærð sem hafró sjálfst gaf út í fyrra um 860 þúsund tonn þorskstofn við íslandsstrendur. taka verður þeirri tölu í núverandi tíðarfari sem varlega áætlaðri lágmarksstærð á þorskstofninum. miðað við það sem er í gangi er líklegra að stofnin sé nær milljón tonnum og vel meigi veiða 250 þúsund tonn. en á meðan við erum að rífast um það með hvaða hætti, hverjir veiða og hvaða veiðafæri séu betri, fallegri  eða skemmtilegri, þá syndir þorskurinn og hafró er alsráðandi.

[Halldór Egill Guðnason, 11.4.2011 kl. 20:19]

Þetta er algert brjálæði. 50 - 100.000 tonna aukning á þorskkvótanum mun örugglega ekki skaða stofninn, fyrir utan nú hvað það myndi pumpa upp atvinnustigið og auka tekjur þjóðfélagsins. Grunar að helsta hindrun aukins kvóta hljóti að vera sú staðreynd að búið er að veðsetja upp í rjáfur þáu fáu kvikyndi sem má veiða og ef gefinn er út aukinn kvóti rýrna veðin, ef fleiri en þeir sem nú hafa heimildir, fá úthlutað. Meiri déskotans dellan orðin, en varla að vænta mikilla breytinga á þessu, því miður.

[Fannar frá Rifi, 11.4.2011 kl. 21:01]

Halldór ekki vera með svona rakalaust bull og þvætting.

og ef þetta væri nú eitthvað í nándarinnar nærri því sem þú segir þá stenst það samt ekki neinan þann mælikvarða sem er í raunveruleikanum þó svo að menn vilji fremur hlusta á Gróu og nota hennar mælikvarða á sannleikann. 

töku þetta einfalt. gefum okkur að meðaltals veðsettning á þorski sé 2000 kr á kíló. gefum okkur einnig að þetta eigi við öll 160 þúsund tonninn. og besta að taka fram að þetta eru bara hugarleikfimi. þarna erum við að tala um veðsettningu upp 320 milljarða bara fyrir þorskinn sem af 450 milljarða heildar skuldum als sjávarútvegsins og allra tegunda er fráleit og langt frá raunveruleikanum en gefum okkur samt þessa stærð til að hafa þetta einfalt. gefum okkur einni að kvótinn sé aukinn um heil 100 þúsund tonn og við þetta þá falli verð og þar með veðsettning um heil 40% eða þar um bil og verði í kringum 1200 kall á kíló á þessi 260 þúsund tonn eftir aukningu. það gerir heildar veðsettningu upp á 312 milljarða en auknar tekjur upp tugi milljarða. 

þannig að bara með því að skoða þetta á einfaldan hátt sést að allt tal um að kvóti sé ekki aukin útaf veðsettningu er tómt bull og stenst engan vegin raunveruleikann.  engin rekstur gengur út á það að veðsetja eignir. rekstur gengur út á það að skapa verðmæti til sölu, hvort sem það eru vörur eða þjónusta. 

með sömu rökum og menn nota hér að ofan um veðsettningu þá hefði alveg eins mátt segja að handhafar loðnukvóta hefðu barist gegn aukningu umfram t.d. 50.000 tonn því annað hefði dregið úr kvóta virðinu og þar með veðsettningar hlutfallinu. það sér það hver sem vill sjá og er ekki blindaður af hatri hversu fráleitar þessar hugmyndir eru.

[Fannar frá Rifi, 11.4.2011 kl. 22:24]

miðað við meðaltals útfluttningsverðmæti (FOB) á þorski frá Íslandi á árinu 2009 sem var þá 472 krónur á kíló (miðað við heildar tonna fjölda aflamarks ekki kíló sem flutt voru út). þá myndi aukning upp 100.000 tonn skapa tekjur og útfluttningsverðmæti upp á 47,2 milljarða króna.

miðað við þær forsendur sem við gefum okkur hér að ofan þá gæti verð á aflamarki fallið  um nánast helming án þess að það hefði í raun neikvæð áhrif á bókhald og rekstur sjávarútvegsfyrirtækja. þe verðið myndi falla úr 2000 krónur í 1000 krónur. en það er svipað verð og var einhverntíman á árinu 2002. miðað við verðbólgu þá væri verðfalli í raun ennþá meira miðað við slíkt verð. 

þannig að með því að horfa aðeins á tölurnar, spá í þeim og velta fyrir sér hvað myndi raunverulega gerast ef ímynduð samsæri væru raunveruleg, þá sér hver sem vill sjá hversu fráleitar slíkar hugmyndir eru. 

það eru allir að bíða eftir aukningu á þorskkvóta. að aukningin sé ekki komin er pólitísks eðlis. núverandi stjórnvöld vilja ekki auka kvótann og eru þar að ég held tvær megin ástæður fyrir hendi. 

1. stjórnvöld vilja ekki að núverandi útgerðir fái aukninguna á kvótanum. þau vilja bara að útgerðir taki á sig skerðingu en fái ekki aukninguna. 

2. ef efnahags ástandið batnar og tekjur af sjávarútvegi aukast, þá minnka enn líkurnar á því að þjóðin sé tilbúin að ganga inn í ESB. 

haldið þið að það séu líklegri ástæður fyrir þessu en þær sem ég gef hér að ofan?

[Ólafur Örn Jónsson, 12.4.2011 kl. 11:40]

Málið varðandi veðin í bönkunum sem eru byggð á kvóta eign eru ekki einatt veð bakvið þau lán sem tekin voru í upphafi til að kaupa kvóta heldur er þetta orðin rúlletta í bankakerfinu. Eins og Gull var notað sem fótfesta í upphafi seðla notkunar ætluðu menn að nota kvótaúthlutun til að búa til gervi peninga.

En úthlutaður kvóti var og er og verður aldrei Gull. Sama þó allt sé gert til að halda verðum eins stöðugum og hægt er.Alls ekki má ske að hér verði nógur fiskur fyrir öll sjófær skip eða offramboð á kvóta þá hrynja veðin og upp kemst um plottið. 

Bak við þetta er mikið plott hjá útgerðinni búið að standa síðan 1993 en allir vissu ekki um þetta sjónarspil og var það gert með ráðnum hug því þetta er náttúrulega glæpsamlegt athæfi. En sá sem kunni að hagnýta sér þetta passaði uppá að dreifa fjárfestingum víða og helst útfyrir landsteinanna til að spilaborgin hryndi ekki en aðrir sem tóku þátt kunnu ekki klækina og sólunduðu þessum margföldunar peningum á fjárfestingar sem voru bara lofbólur gervipeninganna sem flutu nú hér um allt.

Alveg sama hvað þú ert að reyna segja Fannar ég hef orðið vitni að því þegar "útgerða-maður" sem tengdist inní  Hafró sagði við mig beint að "útgerðin" hefði stjórn á úthlutun aflaheimilda.  Núna er ljóst að þetta plott er sannanlega enn í gangi og verðu skilyrðislaust að afnema þetta Kvótakerfi þegar í stað til að losa þjóðina við þetta illkynja mein sem hefur kostað okkur eitt gjaldþrot og er á leið með að kosta okkur annað. 

[Fannar frá Rifi, 12.4.2011 kl. 12:29]

Ólafur, og tunglendingarnar voru einnig plott?

ef kvótinn er aukin þá myndu veðin eins og ég bendi á hér að ofan aldrei falla það mikið miðað við aukningu að þær samsæriskenningar sem þú heldur fram, ef þær væru raunverulegar, hefðu áhrif. 

þ.e. þó aukningin yrði um 100 þúsund tonn þá yrði aukningin í verðmætum og tekjum svo mikil að það myndi vega vel upp á móti öllu. ofan á það bætist sú staðreynd við að frá banka hruni hafa útgerðir borgað niður skuldir af gríð og erg. afskriftir hafa einungis verið 6,5 milljarðar en á meðan virðist miðað við þau opinberu gögn sem komið hafa fram, að skuldir hafi lækkað frá banka hruni um 50 milljarða á tveimur árum. þe. frá upphafi árs 2009 til lok árs 2010. þetta er miðað við að þær tölur sem þingið hefur gert opinbert séu réttar. 

2007 þegar kvótinn var skertur um fjórðung þá voru allar útgerðir á móti þessu. Brim hætti við að endurnýja flotan og fá til landsins nýsmíðuð línuskip og Samherji hætti við að endurnýja fiskverkun sína á Húsavík. þannig að ef um eitthvað samsæri er að ræða þá eru það ekki stærstu útgerðirnar sem taka þátt í því. 

við þetta má svo bæta að ef kvótinn yrði aukinn svo mikið að núverandi útgerðir gætu ekki veitt hann, þá gætu þeir selt aukninguna, greitt niður skuldir og greitt út hærri arð. þannig að allt leggst á eitt ef menn bara horfa upp úr þröngum sjóndeildar hring samsæriskenninga.

en kannski er til enskis að benda þér á þetta Ólafur. þeir sem trúa á samsæriskenningar er alveg sama um staðreyndir. alveg sama hvaða bent er á af staðreyndum, kenningarnar afsannaðar þá trúa áhángendur samsæriskenninga ennþá á þær. trúinn á samsæri er svo sterk, hvort sem um er að ræða kenningar um að tunglendingarnar hafi verið falsaðar, að allt kongafólkið í evrópu séu í raun hamskiptandi eðlur eða að útgerðir á íslandi vinni í því að minnka eigin tekjur til þess að geta tekið lán út í banka og aukið skuldir, gjöld og lækkað þar með tekjur eigin fyrirtækja. 

[Hallgrímur Hrafn Gíslason, 13.4.2011 kl. 12:57]

Það eru 9 skip sem eru með  yfir 1500 tonna kvóta af þorski á þessu fiskveiðiári.

Ef bætt væri við 80. þúsund tonn af þorski eru það um 30 % aukning. Flestir togarnir eru með um 1000 tonna kvóta, það er auðvelt að bæta aukningunni við veiðarnar.

Aukningin 30 % er ekki nema 1 tonn á dag sem þarf að veiða meira.  Útgerðin myndi einfaldlega veiða alla aukninguna, það yrði ekkert meira til leigu en er núna þannig að kvótinn héldi sínu veðhæfni.

[Hallgrímur Hrafn Gíslason, 13.4.2011 kl. 13:00]

Jón, þegar það verður hægt að telja hreindýrin á íslandi upp á kvikindi, þá skal ég íhuga að trúa  talningu á fiskum í sjó.

[Ólafur Örn Jónsson, 14.4.2011 kl. 00:14]

Það er greinilegt að annað hvort er þú að hylma yfir eða þú ert ekki í innsta hring þeirra sem hafa staðið fyrir þessu. Ég var að segja þér að ég sat fyrir framan mann sem sagði við mig að ekki mætti auka aflaheimildir "því þeir væru ennþá að deyja". Hann sagði mér þarna að LÍÚ væri með í stjórn á aflamarkinu sem úthlutað var. Ég var rekinn fyrir skoðanir mínar 1997 og lét þagga niður í mér 1998. Og var bannað gegn brottrekstri úr starfi. Já ég var heigull að þegja fyrir þetta pakk. 

En af hverju Fannar? Af því að Þorsteinn væri í venjulegum skipaleik í baðkarinu heima hjá sér. Ef þú villt leika asna fyrir alþjóð gerðu svo vel. Ef þú villt taka þátt í að fá hér heilbrigt fiskveiðistjórnunarkerfi segðu þá sannleikann um þetta skrípa kerfi. 

Menn sem hafa fengið símhringingar frá áhrifamönnum í útgerðinni eru ófáir og þora ekki að koma fram undir nafni því hótanir um brott rekstur úr starfi vofa yfir þeim ef þeir voga sér að fjalla um óréttlætið og spillinguna í þessu kerfi.

Segðu okkur nú Fannar af hverju haga menn sér svona í lýðræðisríki ef hér er ekki í gangi skipulögð ráð sem þola ekki umfjöllun? Mér er sama hvaða orð er notað ég hef orðið fyrir þessu pakki og kalla þetta plott aðrir hafa kallað þetta mafíu sumir nefna sægreifa. Í þinum huga er allt þetta fólk sem reynir að veikum mætti að benda á afglöpin í þessu kerfi asnar og vitleysingar og sennilega allir Færeyingar sem gátu ekki notað þetta spillta kerfi lengur en 2 ár. 

[Óskar Þorkelsson, 15.4.2011 kl. 11:22]

Halldór Egill Guðnason er með þetta..

[Óskar Þorkelsson, 15.4.2011 kl. 11:23]

skrif Fannars frá Rifi undafarin 2 ár um kvótamál benda til þess að hann sé leigupenni LÍÚ

[Ólafur Örn Jónsson, 16.4.2011 kl. 02:17]

Já eins og ég hef þráfaldlega sagt það er aðeins tvennt sem fær menn til að réttlæta kvótakerfið "það er annars vegar græðgi og hins vegar heimska". Það eru engin rók til.

[Anna Sigríður Guðmundsdóttir, 24.4.2011 kl. 03:24]

Jón og aðrir hér! Almættið gefi að allir skilji hvaða alvara er hér á ferð í svikum og dauðadæmdum aðferðum á vanveiddum fiski!

 Þetta má bara hreinlega ekki ganga svona stjórnlaust lengur, hvorki hér við strendur né við annarra landa strendur, því fiskinum er hreinlega tortímt í staðinn fyrir að veiða hann?

 Hversu langt á þessi vitlausa tortíming fólks og fisks að ganga? Viljum við endilega deyja frekar en að veiða offramboðs-fisk til fjáröflunar og lífsbjargar?

 M.b.kv.