Blind trú á "vísindamenn"

Alveg er það merkilegt hvað menn, sérstaklega háskólamenn, taka gagnrýnislaust því sem kemur frá Hafró.
Ekki er efast um "vísindin". Allir virðast gleyma að það er búið að reyna þessa friðunar og geymsluaðferð í 30 ár, án annars en hörmulegs árangurs. Ráðgjöfin klikkar ár eftir ár og enn skal reynt.
Þjálfari íþróttafélags er stundum látinn taka pokann sinn eftir þrjá tapleiki í röð. En Hafró? - Tómir tapleikir í aldarfjórðung en áfram fá þeir að halda. Bestu fáanlegu vísindi, segja menn.
Klausurnar hér að neðan sýna að þessi ráðgjöf er ekki ný, - en áfram skal haldið. Hversu lengi? Hvenær kemur ráðherra sem þorir að segja: Hingað og ekki lengra!

Spá því að þorskkvótinn verði ákveðinn 155 þúsund tonn

Athugasemdir

[haraldurhar, 4.6.2007 kl. 23:52]

Sæll Jón.

     Eins og þú veist snýst þetta fiskveiðistjórnunarkerfi um fiskvernd ná hamárksnýtingu auðlindinar, heldur um stjórn á peningamálum.  Eg hef aldrei skylið fiskifræðina á Hafró, og finnst alltaf eins og þeir séu þorskar á þurru landi. Eg hef haldið í fáfræði minni að með aukinni menntun kæmi kunnáttan um hvað maður veit lítið í raun. Ráðgjöf þeirra er í mínum augum bara bull, og opinbera þeir sig við hverja ráðleggingu hversu lítið þeir vita.  Eg álít að það sé miklu meiri fiskur á ferðini núna en oft áður, og byggi ég það á þeirri einföldu staðreynd að næstum hver sem fer á sjó aflar vel, en sv0 var ekki á árum áður, sömu mennirnir fiskuðu aldrei upp a hálfan hund vertíð eftir vertíð.

    Stjórna fiskveiðum eftir innvegnum afla á hafnarvikt eða útreiknuðum nýtinartölum frystiskipa er hlutur sem getur aldrei gegið upp, það hljóta allir menn getað séð.  Flokkun afla út á sjó með tillliti til aflaverðmætis er að sjálfsögðu framk. af öllum sem ætla að hafa tekjur af fiskveiðum, og á ég þar við stærðafl. gæðafl. og tegundafl. allt eftir kvótastöðu hverju sinni.  Fiskveiðum á að stjórna með sóknarstýringu sem innifelur í sér veiðafærastýringu jafnframt svæðastýringu.

    Mitt álit hefur verið lengi að takmarka ætti togveiðar, með lokun ákveðna hafsvæða fyrir trolli.  Minnka möskvastærðina í pokanum því eg hef lengi haldið að fiskur sem treðst í gegn um pokan drepist að stórum hluta.

   Læt þetta vera gott í bili, en að lokum tek ég undir það að háskolamenn sem fjalla um fiskiveiðistj, og fiskihagfræði eru í mínu augum eins og Lísa í Undralandi.

kv. h.

[Hallgrímur Guðmundsson, 5.6.2007 kl. 06:06]

Takk fyrir þetta Jón.Það er mjög gott að þú komir með þetta núna ekki veitir af.Þessir ríkisvernduðu pappakassar hjá hafró ættu að finna sér eitthvað annað að gera.Hvernig er það er ekki kominn tími á að halda málþing um þessi mál aftur og það strax og krefjast þess að ráðamenn þjóðarinnar mæti þar og einnig láta Hafró rökstyðja á mannamáli hvernig til hefur tekist hjá þeim.Annars væri ágætt að sameina Hafró Náttúruverndarstofnun og læsa á eftir þeim útihurðinni.