Veiða og sleppa fiski - ótrúleg græðgisþróun

Þá er liðið enn eitt tímabil með veiða-sleppa. Veiðin var með eindæmum í sumar og hafa opinberir vísindamenn enga skýringu á því hvers vegna veiðin sveiflast svona milli ára, hörmungarveiði í fyrra og metveiði núna. Látum það liggja milli hluta.

En nú er ný staða miðað við það sem áður var: Menn sleppa nær öllum fiski í dýrustu ánum. Þetta skekkir alla tölfræði, enginn veit hve margir veiddust aftur og aftur og sumir veiðimenn bóka fisk sem var á í fimm  sekúndur sem veiddan - og slepptan. Þá er mikil freisting fyrir veiðimenn til þess að búa til fiska til að standast samanburð við aðra í hollinu. Þá hefur oft verið ýjað að því að veiðilaeyfasalar prenti fisk. Allt er þetta auðvelt ef menn þurfa ekki að sýna aflann.

Þetta byrjaði allt í Grímsá fyrir nokkrum áratugum þegar amerískum veiðimönnum var uppálagt að sleppa öllum hrygnum í þeim tilgangi að auka seiðaframleðslu árinnar. Í sárabætur fengu þeir heim með sér reyktan lax. Þótti þeim mikið til um þessa rækrun. En þeim var ekki sagt að reykti laxinn hefði verið veiddur í net neðar í vatnakerfinu. Nú fá menn engan reyktan lax lengur í stað þeirra sem sleppt er, fara heim með öngulinn í rassinum eins og sagt var hér áður fyrr.

Stóra stökkið kom svo 1998 þegar veiðimönnum  í Vatndsalsá var bannað að drepa lax. Sagt var að svona að gerð myndi verða ánni til góðs og stuðla að betri og jafnari veiði. Reynslan sýndi annað. Veiðin í Vatnsdalsá hélst svipuð og í nágrannaánum, þrátt fyrir að hluti veiðinnar væri tvítalin.
Að ekki verður meiri ræktunarárangur af þessu skýrist af tvennu: Laxinn gengur aðeins einu sinni í ána, einungis um 5% lifa af hrygninguna til þess að ganga í annað sinn og hrygna. Það er því ekki hægt að safna upp fiski milli ára.

Hrygning í flestum ám er yfirleitt yfirdrifin. Á mínum langa ferli við seiðaveiðar hef ég aldrei orðið var við skort á fyrsta árs seiðum, fjöldi þeirra er oftast langt umfram þarfir. Fjöldi stærri seiða er oft hverfandi og ekki í neinu hlutfalli við fjölda fyrsta árs seiða. Vegna mikillar samkeppni eru fyrsta árs seiðin illa undirbúin undir veturinn og afföll því mikil, auk þess sem þau veita eldri seiðum samkeppni. Aukning hrygningarstofns er því oftast til skaða.

Margir veiðimenn fara ekki til veiða þar sem skylt er að sleppa öllum fiski, þeir fara á mis við þá ánægju að matbúa hann handa sér og sínum, nokkuð sem þeir telja vera endapunktinn á góðri veiðiferð.
Þá þykir mönnum það ekki heyra undir eðlilega veiðmennsku og umgengni við náttúruna að veiða þreyta og landa fiski til þess eins að henda honum aftur í ána.
Þá má minna á að í lögum um dýravernd segir:

"Skylt er að fara vel með öll dýr. Óheimilt er að hrekkja dýr eða meiða. Forðast skal að ofbjóða kröftum þeirra og þoli".

Í lögum um dýraveiðar stendur:

"Ávallt skal staðið að veiðum þannig að það valdi dýrunum sem minnstum  sársauka. Skylt er veiðimönnum að gera það sem í þeirra valdi stendur til að aflífa dýr sem þeir hafa veitt áverka".

Berum virðingu fyrir bráðinni og náttúrunni og göngum til veiða með því hugarfari að við séum að veiða okkur til matar og huggulegheita. Fátt er eins skemmtilegt og að halda veislu með sjálfs aflaðs matar.

Athugasemdir

[Sigurður Haraldsson (IP-tala skráð) 28.9.2015 kl. 19:37]

Það er allt liðið hans Sveins.  

Ég heyrði af manni í miðfjarðará sem veiddi 3 fiska í vor, þegar hann kom aftur í ánna og leit í fiskidagbókina var búið að skrifa á hann 53.  

Dellan í umgengni við náttúrúna er að verða yfirgengilega heimsk og ekki í takt við nokkrar staðreyndir.  

Þegar menn ákvæðu að gera Ragnar Árnason, miðlungs hagfræðing að mesta náttúruspeking Íslands var okkur ekki viðbjargandi.  Enda hefur þessi hagspekingur og náttúruvísindakennigar hans kostað íslenska þjóð miljarða tugi síðan hann kom með darvínskar kenningar sínar um náttúrufræði.

[Halldór Egill Guðnason, 29.9.2015 kl. 03:16]

Ekki einu orði við að bæta hjá þér Jón. Algerlega sammála. Góðar stundir, með kveðju að sunnan.

[Halldór Egill Guðnason, 29.9.2015 kl. 03:18]

Ertu til í kosrtlagningu á Skorradalsvatni næsta sumar?

[Halldór Egill Guðnason, 29.9.2015 kl. 03:20]

Er með bát, sónar, en vantar mann eins og þig, til helga meðalið.

[Halldór Egill Guðnason, 29.9.2015 kl. 03:23]

P.s. Næsta ár í Miðfjarðará verður engu lagi líkt, árinu í ár, svo ekki panta fyrirfram! Miðsumarmarkaðurinn er bestur.

[Guðmundur Jónsson, 29.9.2015 kl. 12:05]

Þegar ég var krakki fannst mér fátt skemtilegra en að fara í veiði, og stór hluti af því var að borða afrekstur veiðanna. Seinna kynntist ég "veiðimönnum" sem "veiddu" bara til að drepa. Ég man eftir ferð á gæs þar sem ekkert veiddist af gæs, en sitthvað annað annað lá í valnum sem ekki var hirt. Ég hef ekki farið í skotveiði síðan.

Mín skoðun er sú að Perrar sem fanga fisk og kvelja, bara til að sleppa honum aftur eru engu betri en þeir sem drepa sér til skemmtunar.

[Jón Kristjánsson, 29.9.2015 kl. 12:41]

Sæll Dóri. Takk fyrir kveðjur. Ég er til í það. En það er til mjög gott kort af vatninu með dýptarlínum og öllu.

[Kristján Halldórsson (IP-tala skráð) 30.9.2015 kl. 12:01]

Þakka þér góða grein.Þessi markaðsgræðgissetning gerði það að verkum að ég nánast hætti veiði.Veiddi upp í 20 daga á sumri í laxi og eitthvað af silung líkaen er hættur nema þar sem hirða má aflan.Menn tala um viðskiftamódel og annnað blblblba Kæmi ekki á óvart aflatölur þessa árs séu sölutölur.

[Gísli Unnsteinsson (IP-tala skráð) 30.9.2015 kl. 19:48]

Hvað með veiða-sleppa öðrum tegundum td. sjóbirtingi á það sama við þar Jón?

[Jón Kristjánsson, 1.10.2015 kl. 15:02]

Að skjálfssögðu Gísli. Þó hann komi aftur og aftur, bara til að hrúga meiri fiski í ána, til að sleppa svo aftur. Hæfilegur afli er hápunktur veiðiferðar og hans á að njóta.