Stofnmælingarnar voru þá rangar!

Já einmitt. - Nú er viðurkennt að fyrri stofnmælingar hafi verið rangar, stofninn sé um tvöfalt stærri en haldið var áður. Íslendingum og Færeyingum hafði verið kennt um ofveiði sem myndi skaða stofninn. Í sumar bættust svo Grænlendingar í hópinn, makka krílið komið þangað líka. Við þessa ofveiði virðist stofninn hafa stækkað, - eða þannig.

Ég skrifaði um þetta fyrir einu og hálfu ári og sagði að stofnmælingar á makríl væru hrein della og við ættum ekki að semja við ESB um makrílveiðar.

Nú virðist vera kominn ótti í íslensk stjórnvöld, þau ætla að sætta sig við einhvern lúsarhlut. Ein rök sem hafa verið sett fram eru að makríllinn gæti horfið aftur af Íslandsmiðum og þá gætum við sótt umsaminn lúsarhlut niður í Norðursjó! - Miklir menn erum vér. 

Mikið ber á milli í makrílnum

Athugasemdir

[Jóhannes Laxdal Baldvinsson, 28.12.2013 kl. 17:34]

Þetta snýst ekki um fiskifræði Jón.  Þetta snýst um pólitík.

[Ufsi (IP-tala skráð) 28.12.2013 kl. 18:07]

Jóhannes, Jón stundar fyrst og fremst pólitík en ekki fiskifræði í skrifum sínum.

[Jón Kristjánsson, 28.12.2013 kl. 18:20]

Hvaða pólitík Jóhannes?

[Jóhannes Laxdal Baldvinsson, 28.12.2013 kl. 20:12]

Blekkinguna um sjálfbærar veiðar.  Ég hélt að það væri flestum ljóst núorðið.  Þess vegna vilja þeir ekki hlusta á fiskifræðileg rök eins og þú heldur á lofti Jón.

[Sindri Karl Sigurðsson, 28.12.2013 kl. 21:03]

Eftir því sem ég best veit er ágætis fylgni á milli veiddra merktra makríla og stofnstærðarmats Hafró undanfarin sumur.

Kiddi tók þetta saman á blogginu:

http://kristinnp.blog.is/blog/kristinnp/entry/1322568/

Það vissu allir sem vildu vita að stofnstærðarmatið var bull. Vandamálið var og er sjóræningjaveiðar þeirra þjóða sem hæst hafa í dag. Þar sem fiskifræðingum hættir til að vera dálítið miklir besservisserar þá reiknuðu þeir með þessum framhjálöndunum en vanmátu samt stofninn.

[Jóhannes Laxdal Baldvinsson, 28.12.2013 kl. 21:09]

Sindri, það sem þú ert að segja er að veiðin segir til um stærð stofnsins en ekki einhver ágizkun byggð á reiknilíkani

[Jóhannes Laxdal Baldvinsson, 28.12.2013 kl. 21:11]

Og um hvaða sjóræningjaveiðar ertu að tala?

[Sindri Karl Sigurðsson, 28.12.2013 kl. 23:59]

Já, enda er það lógískt og í raun byggir fiskifræði á því hvað er veitt. Hvað er gert eftir það er allt annað mál.

Veiðar Skota t.d. og dómsmál sem komið hafa upp þar í landi um stórfelld undanskot frá vigt. þar voru útgerðarmenn, skipstjórnarmenn og eigendur fiskvinnslufyrirtækja dæmdir til fangavistunnar.

http://www.theguardian.com/environment/2010/nov/22/scotland-fishermen-illegal-landings-mackerel-herring

[Sindri Karl Sigurðsson, 29.12.2013 kl. 00:08]

Smá viðbót þegar ég fór að lesa þetta allt betur:

1. Fiskifræði byggir á því að kanna hvað er til og leggur upp hvað mikið af árgöngum stofnsins lifir á milli ára. Hér hafa menn notað tölfræðilíkön til að spá og spekúlera

2. Sjóræningjadæmið er betur útlistað í þessari grein Guardian:

http://www.theguardian.com/environment/2012/feb/24/fishing-skippers-fined-illegal-catches

Síðan rífa þessir menn bara kjaft...

[Anna Sigríður Guðmundsdóttir, 29.12.2013 kl. 16:02]

Lögfræðingar og aðrir fræðingar (sumir en ekki allir) selja sálu sína, og berjast fyrir lygi og óréttlæti.

Enginn lögfræðingur er ráðinn í valdastöður, nema hann selji sálu sína til Mammon-guðsins í Frímúrara-glæpasamtökunum. Því miður bíta margir á Frímúrara-glæpamafíu-agnið. Eftir það eru þeir sem bitu á Mammon-peninga-agnið, dauðans matur Frímúrarareglu-ræningjanna.

Dómstólar dæma samkvæmt þessu óréttlætis-plani Frímúrarareglunnar Mammon-dýrkandi.

Á meðan stundar Páfinn tásuþvott, til að tryggja falskristni-Alþjóðabankanum einkaleyfi á að misnota áfram, allt sem er lifandi á jörðinni.

Réttarríki! Hvað er það?

M.b.kv.