Síldin í Kolgrafarkrukkunni. - Seint í rassinn gripið

Í dag bað sjávarútvegs-  trillukarla fyrir vestan að hjálpa sér. Hann hefur verið að halda þeim frá vinnu, sletta í þá 100 tonnum af og til á meðan stóru skipin, sem "eiga" kvóta dæla upp leyfilegum afla trillukarlanna á einum klukkutíma- beint fyrir framan nefið á þeim.

Nú biður sjávarútvegs- trillukarlana um hjálp; þeim er öllum er frjálst að veiða í Kolgrafarfirði, svo framarlega sem þeir brjóta ekki möstrin við að fara undir brúna!

Í gær eða í fyrradag var ljóst að síldin var að þétta sig í Grundarfirði. Búið var að leita að síld án árangurs í nokkrar vikur en svo kom hún allt í einu. Hvaðan kom hún? Hafró heldur að þeir viti allt um fisk, en þeir fundu enga síld, hún mætti sjálf á sviðið.

Sá möguleiki var fyrir hendi að síldin, sem fyllti Grundarfjörðinn í fyrradag færi inn í Kolgrafarfjörð, og menn biðu, spáðu, báðu til guðs og vonuðu, en gerðu ekkert.

Hvers vegna var ekki opnað fyrir frjálsar veiðar allra báta UTAN við fjörðinn, svo sem í einnar mílu radíus frá brúnni, strax í fyrradag eða jafnvel fyrr? Hugsanlega hefði skarkalinn frá veiðum og mikilli umferð báta getað haldið síldinni frá því að fara undir brúna. Nei ekkert var gert, ekki mátti færa afla frá sægreifum til annarra landsmanna.

Minna má á að í fyrra þegar síldin fór þarna inn var Hafróliðið tvær vikur að spá í hvað hefði valdið síldardauðanum. Nefndu þeir kulda og aðra þætti, þótt morgunljóst hefði verið að síldin hefði kafnað. 

Væri ég trillukarl fyrir norðan Snæfellsnes, hefði ég ekki geð í mér til þess að hjálpa þessum auma ráðherra til þess "bjarga" síld, sem leitað hefði skjóls í Kolgrafarfirði. 

Síldveiðar gefnar frjálsar innan brúar

Athugasemdir

[Anna Sigríður Guðmundsdóttir, 22.11.2013 kl. 20:30]

Loksins, loksins eru stjórnvöld að vakna til vitundar um þá staðreynd, að það verði að veiða og grisja, til að halda eðlilegu jafnvægi í hafinu, eins og á landi. Þetta er fyrsta leiðréttingarskrefið af mörgum. Það er aldrei of seint að snúa af villubraut, og þess vegna fagna ég þessu fyrsta skrefi í þá átt. Góðir hlutir gerast hægt, og einungis með jákvæðu hugarfari og þrautseiglu. Þannig er lífið.

Ég vara hins vegar við einhverjum ólíðandi og ómannúðlegum kröfum yfirvalda til veiðimanna, í sambandi við þessar: loksins, loksins veiðar.

Ég vara líka við því að einhverjir skynlausir ofurlaunaðir tilraunaglasa-fræðingar háskólanna telji sig hiklaust geta, og án raunverulegrar reynslu af náttúruskilyrðum, geta blekkt síldina og aðrar skynugar dýraríkis-skepnur.

Lífríkið er ekki mögulegt að rannsaka til gagns á tilraunastofunum einhliða, án staðreyndarumhverfis skynugra skepnanna sem hrærast á hnettinum.

Þannig er bara samspil náttúrunnar og alheimsins samansett, hvort sem fræðingarnir viðurkenna það eða ekki. Viska (þekking/reynsla) og heiðarleiki er tryggasti vegvísirinn til góðs.

Gangi öllum vel, við að leiðrétta blekkingar sér-fræði-samfélagið ó-náttúrutengda og takmarkaða. Það er að segja þeim, sem koma heiðarlega að þessu máli.

M.b.kv.

[Jón Kristjánsson, 22.11.2013 kl. 21:24]

Anna Sigríður. Stjórnvöld eru ekkert að vakna. Ef svo hefði verið hefði ráðherra fyrir löngu átt að gefa veiðar á síld í Breiðafirði frjálsar til handa landróðrabátum af Nesinu og víðar að.

Ráðherrablókin er bara að sýnast, og engir háskóla- eða Hafrómenn eru farnir að skilja neitt. Þeir koma í fjöruna á spariskónum og segja - hmm..., í besta falli - hlýnunin.

Ekkert meir.

[Ágúst H Bjarnason, 23.11.2013 kl. 08:11]

Að stefna bátum til veiða fyrir utan fjörðinn, skammt frá brúnni, er nokkuð örugglega áhrifarík aðferð. Það væri kannski ekki og seint að gera það strax í dag.  Það kostar allavega ekki neitt að prófa það. 

[Jón Kristjánsson, 23.11.2013 kl. 10:36]

Það var ekki einu sinni hugsun á því að hafa klár veiðarfæri, nætur /voðir eða báta með spil. sem gætu sinnt þessum veiðum af viti ef til kæmi. Nú eru kallarnir að veiða með reknetum, sem afkasta litlu og eru tíma og mannfrekar. Komu sægreifar í veg fyrir það? Hleypa ekki öðrum í pottinn?

[Herbert Guðmundsson, 23.11.2013 kl. 16:24]

Ég hef í áratugi lagt eyru og augu við því sem þú, Jón, hefur lagt til málanna varðandi fiskifræði vatna og hafsins og í tilheyrandi pólitík. En rekst ekki alltaf á það. Nú bregður mér aðeins, af því að þú blandar í fræðilegt álit þitt palladómum um stjórnvöld og ráðherra, persónulegum dómum. Hvaða tilgangi á það að þjóna? Og hvað átt þú við með hugtakinu sægreifar? Ég kannast við það, en það er notað á ýmsum forsendum.

[Jón Kristjánsson, 23.11.2013 kl. 18:19]

Takk Herbert

Við áttum ágætt samstarf hér áður fyrr. Það sem ég á við er að mér finnst stundum að eðlilegustu lausnirnar séu ekki notaðar. Í tilfelli síldarinnar fyrir vestan virðist ekkert hafa verið gert til að grípa til veiða, sem þá yrðu óhjákvæmilega utan kvóta, vegna þess að stóru skipin komast ekki svona grunnt, til þess að nýta síldina áður en hún færi inn í fjörðinn, eða fæla hana frá með veiðum annarra en kvótahafa. Kvótahafar eru þeir, sem í daglegu tali eru kallaðir sægreifar.

Það er orðið ansi áberandi að Hafró er upptekin við að þóknast þeim enda gaf LÍÚ þeim rannsóknaskip, á þávirði um 2 milljarða króna. Það er ekki að fara á svig við vísindi að gagnrýna þetta, því Hafró virðist ekki geta tekið ákvarðanir, eða veitt ráðgjöf án þess að taka tillit til s.k. hagsmunaaðila. Aldrei er tekið tillit til þjóðarinnar eða hagsmuna hennar. 

Ég er einfaldlega að benda á að ráðgjöfin lýtur ekki vísindalegum lögmálum, heldur virðist hún hagsmunatengd. Hafró gerir þetta með því að halda fram röngum vísindum, vanvirða vistfræðilegar staðreyndir eins og að það eru miklu fleiri þættir sem stjórna afkomu fiskstofna en veiðar. Sést best af því að miklu meira af síld drepst úr pestum og köfnun heldur en vegna veiðanna.  

[Herbert Guðmundsson, 23.11.2013 kl. 19:57]

Sæll Jón aftur og þakka þér fyrir skýringar þínar. Við áttum vissulega gott samstarf á sínum tíma, einmitt um áhugamál þín og samfljótandi hagsmuni þjóðfélagsins. Ég er til að mynda enn að spá í af hverju svo mikið er veðjað á laxeldi umram bleikjueldi?

En ég tek ekki gilt að þú kallir kvótahafa sægreifa án frekari skýringa. Þeir eru ekki nefndir þetta í daglegu tali annarra en þeirra sem eru á móti skipulegum fiskveiðum. Ert þú þá í þeim hópi sem vill hverfa til fortíðarinnar í íslenskri útgerð?

Ég man ekki söguna um Hafró og LÍÚ, var það mútumál? Er ágreiningur þinn við Hafró um meira en vísindi og vinnuaðferðir? Hef raunar allaf leitt hugann að því hvers vegna þú ert svo einn á báti fiskifræðinga sem gagnrýna Hafró.

Játa að ég hef líka alltaf hallast að mörgu í þínum viðhorfum, ekki endilega öllu  Og núna þegar ég rekst á þau enn á ný, spyr ég þig um hógværð og rök umfram ásakanir og fullyrðingar, sem ég álít að skili aldrei neinu nema leiðindum.

[Jón Kristjánsson, 23.11.2013 kl. 22:23]

Herbert. Varðandi röksemdir fyrir gagnrýni bendi ég þér á að lesa bloggsíður mínar svo og heimasíðuna "Fiskikassann" en slóð á hann er efst á þessari síðu neðan við myndina. Það eru margir kollegar mér sammála og hafa gagnrýnt Hafró, svo sem þeir á Veiðó, en þeir fengu ákúrur frá ýmsum ráðamönnum.

Einnig bendi ég þér á faglega úttekt á fiskveiðiráðgjöf Hafró (www.mmedia.is/~jonkr/skrar/ttoma.doc) í tengslum við Fyrirspurnarþing 2002. Ástæða þess að ekki heyrist meira í fagmönnum er sú að þeim er annt um að halda vinnunni, ég veit með vissu að menn hafa verið minntir á það. Þetta er nú því miður umhverfið. 

[Þorkell Guðnason, 24.11.2013 kl. 00:14]

Sigurður Ingi sýndi hér, sem oftar röggsemi, sem ekki var í boði hjá forverum hans.

Þegar þú telur þér til sóma að nota orðalagið: "Ráðherrablókin er bara að sýnast" er orðfæri þitt, þér til lítillar upphefðar.

Er mitt sjónarmið: Skammastu þín Jón Kristjánsson !!!

[Árni Gunnarsson, 24.11.2013 kl. 14:28]

Þér er mikið niðri fyrir Þorkell og greinilegt hvar þinn átrúnaður liggur.

Hér er fiskifræðingur að tjá sig um það mál sem snertir hans sérsvið ásamt því að vera eitt mikilvægasta hagsmunamál þessarar þjóðar.

Og það mál er, að nú er enn einu sinni að endurtaka sig efnahagslegt stórslys- STÓRSLYS gæti það orðið ef aðstæður verða ekki til muna hagstæðari en en í fyrri tilvikum.

Og það eina sem þú hefur til málanna að leggja garmurinn er ekki athugasemd við ályktanir Jóns Kr. um ástand og síðan viðbrögð vísindastofnunarinnar sem er undir stjórn sægreifaveldisins; nei.

Þú velur þér að fara í manninn eins og venja er þegar vitsmunir og þekking bjóða ekki upp á málefnalegar baráttuaðferðir.

Það er hinsvegar ekki efni til undrunar þegar um er að ræða viðbrögð gegn málflutningi og ádeilum Jóns.

 Nokkuð augljóst hvar þín pólitísku heimkynni er að finna.