Ekki Hafró í þetta skipti

Þetta er ekki í fyrsta sinn sem loðnubrestur yrði af manna völdum. Undanfarin ár hefur Hafró ekki getað "mælt" neina loðnu og því gefið út litlar veiðiheimildir og allt of seint. En það bregst ekki, alltaf gýs hún upp suð- austan við landið á sínum venjulega tíma, þó ekkert hafi fundist áður. Vegna þessa seinagangs hefur skammturinn ekki náðst undanfarin ár. 

Í ár mældist hins vegar talsverð loðna og veiðiheimild kom því snemma en allt of lítið og skipin "tímdu ekki að veiða". Ekki er ólíklegt að loðnumökkur gjósi hér upp innan skamms, meira en undanfarin ár. En þá er allt orðið of seint. Ekki verður Hafró tekin í gegn frekar en áður, en það er í lagi að gera bræðslukallana að sökudólgum.    

SA: Loðnubrestur af mannavöldum yfirvofandi

Athugasemdir

[Jóhannes Ragnarsson, 6.2.2011 kl. 18:12]

Hvað hefur þú fyrir þér, Jón, í því að vegna seinagangs hafi skammturinn ekki náðst undanfarin ár ? Var mikið af loðnu á ferðinni í fyrra, hitteðfyrra og árið þar áður ? Getur ekki verið að loðnan hafi verið ofveidd mörg síðustu ár ?

[Jón Kristjánsson, 6.2.2011 kl. 20:59]

Jóhannes

Ofveidd? Þeir skilja alltaf eftir 400 þús tonn til hrygningar, það er stjórnunaraðferðin sem hefur gilt í um 30 ár. 

Í janúar í fyrra skrifaði ég á bloggið, og fer hér á eftir kafli úr því:

---- "Segjum nú að hægt sé að mæla þá loðnu sem siglt er yfir með einhverri nákvæmni. Það sem snillingarnir hafa fundið á sínum ferðum eru nú orðin 355 þús. tonn. Að öllum líkindum hafa þeir siglt fram hjá eða ekki fundið nokkrar loðnutorfur, svo óvissan er í þá áttina, lágmarksmæling. Það er því alveg öruggt að það er meiri loðna en þeir finna. En – það verður að bíða þar til snillingarnir hafa fundið það sem þeir hafa ekki fundið nú þegar. Þá, þegar þeir hafa legið á því og talið má fara af stað. Við þetta gauf og þennan fíflagang tapast tími, enda hefur það gerst í a.m.k. sl. 3 ár að komið hefur loðna sem hefur ekki „fundist áður“ skýtur allt í einu upp kollinum, en of seint svo skipin ná ekki kvótanum. Í fyrra lágu þeir á torfu í heila viku og mældu og mældu, allir biðu, en þegar kallið kom var það of seint, kvótinn féll dauður niður". -----

 

[Aðalsteinn Agnarsson, 6.2.2011 kl. 21:29]

Þorskurinn nýtur góðs af þessu!

[Jón Kristjánsson, 6.2.2011 kl. 21:39]

Aðalsteinn

Ég hef hef skrifað mikið um loðnu, sjófugl, sandsíli og þorsk, lestu það.  

[Aðalsteinn Agnarsson, 6.2.2011 kl. 22:27]

Flottur Jón, örugglega margt til í þessu hjá þér!

[Snorri Gestsson, 6.2.2011 kl. 23:24]

Hárrétt Jón, við horfðum á þetta ár eftir ár, ekkert að sjá fyrr en kom á Lónsbugt, og eftir það stækkuðu bara lóðningar þar til komið var vestur í Faxaflóa, þótt stanslaust væri veitt, nú á hinsvegar að hengja kallana sem vilja 200 kall í grunn, en er að sjálfsögðu ekki hvítflibbunum að kenna. Hvenær skildi svo koma að því, að menn fari að ræða um hvort skömmtunin sé rétt og hætti að jagast um hver kemur með tittina að landi. Takk fyrir skrifin þín. 

[Gudmundur Bjarnason (IP-tala skráð) 7.2.2011 kl. 10:12]

Sæll Jón.

Það eru nú ekki margir sem hafa leifi til að veiða loðnu og engir nýjir komast þar að.
Ríkið á að bjóða út þessar veiðar.

[Jóhannes Ragnarsson, 7.2.2011 kl. 21:21]

Því miður, Aðalsteinn, þá er harla lítil innistæða fyrir því sem Jón segir.

[Valmundur Valmundsson, 12.2.2011 kl. 14:39]

Kaupum allir loðnuskip og byrjum að veiða. Á ekki einhver pening? Svona einn milljarð lágmark.