Skarfarnir á hafnargarðinum

Myndin að ofan sem ég nota sem "logo" er tekin í höfninni í Reykjavík fyrir 2 árum. Þá var höfnin full af síld og skarfarnir í þúsundum. Ég rifja þetta upp vegna síldar í höfnum SV-lands um þessar mundir. 

Athugasemdir

[Árni Gunnarsson, 24.3.2009 kl. 23:21]

Þeir voru magnaðir hjá Hafró þegar þeir vernduðu veiku og dauðvona síldina þarna í Eyjum. Það er hreint meistaralegt hvernig þeim tekst að nota hvert tækifæri sem gefst til að forða því að hægt sé að líta á þennan söfnuð eins og vitsmunaverur.

Bóndi nokkur átti fjármark, sjaldgæft og fáir þekktu það. Eitt sinn í réttum vék sér að honum maður sem lent hafði í vandræðum með að greina markið. "Hvernig dettur þér í hug að nota þetta helvítis mark sem enginn kann að lesa?" spurði maðurinn sárgramur. "Jahá! það er nú kosturinn við það!" svaraði bóndi hróðugur.

Það er margt orðið óskiljanlegt hér á landi þessa dagana og ekki bregst Hafró.