Þorskurinn á niðurleið. 20% aflareglan farin að segja til sín.

Loksins kom hún, skýrslan úr haustrallinu. Um þorskinn segir:

"Heildarvísitala þorsks lækkaði talsvert frá árunum 2014 og 2015 og er nú svipuð og árið 2013. Hluta lækkunarinnar má rekja til lítils árgangs frá 2013 og að meðalþyngdir sumra árganga hafa lækkað frá fyrra ári. Líklegt er að lækkunin sé að mestu vegna mæliskekkju líkt og var í vorralli milli áranna 2013 og 2014."

Já einmitt, lækkunin er vegna mæliskekkju. Hér að ofan má sjá vísitölurnar og að haustvísitalan hefur verið að stíga allt frá 2008 en nú snarfellur hún.

 

Hér má sjá lengdardreifingu þorsks síðustu 3 ára. Í ár (svarta línan) vantar miðstykkið í stofninn miðað við í fyrra (rauða línan), fisk frá 40-70 cm. Ekki hefur hann verið veiddur markvisst umfram aðrar stæðir og skyndilokunarkerfið á að vernda allan fisk undir 55 cm. Hann virðist hafa horfið úr stofninum engum til gagns. Auðvitað kemur að því að að sóknarminnkun úr 35% í 20% komi niður á fæðu þorsksins, enda mun nú öll loðna upp étin og uppsjávarskipin verkefnalaus í vetur.

Smá ljós punktur er í þessu: Lúðuvísitalan orðin hærri en hún var 1996. Greinilegt að þetta veiða sleppa er að bera árangur þó það skili sér ekki í lúðusúpunni.

Athugasemdir

[Halldór Egill Guðnason, 13.12.2016 kl. 21:15]

Ber að skilja þessa "mæliskekkju" sem svo, að hún eigi viða öll árin, frá 2013 til og með í ár? Ef mælt er vitlaust eitt árið, en það ekki leiðrétt fyrr en einhverjum árum seinna, hlýtur allt heila klabbið að vera vitlaust mælt, árum saman, eða hvað? Alveg er maður steinhættur að botna í þessu sem kemur frá Hafró. Að þessar niðurstöður sé hægt að draga af tveggja skipa "ralli" á fyrirfram gefnum togpúnktum, á tilteknum tíma, ár hvert, er ekkert annað grátlega vitlaust. Álíka vitlaust og ætla að mæla umferð gangandi fólks í Austurstræti, út frá því hvað sitja margir á bekknum fyrir utan Heraðsdóm Reykjavíkur, 14. september kl. 1800, ár hvert. Algerlega galin aðferð og stórskaðleg sjávarútveginum í heild og þar með þjóðarbúinu.

 Góðar stundir, með kveðju að sunnan.

[Hallgrímur Hrafn Gíslason, 14.12.2016 kl. 12:07]

 Halldór Egill.

Hafró kemur alltaf með mæliskekkju trixið þegar þeir sjá að fræðin ÞEIRRA bregðast. Enda eru þeir einu í dýra eldi í heimi sem ekki þurfa fóður til að ala upp heilbrigða stofna.